top of page

陳卓賢〈仍在〉MV邀麥曦茵執導 畫面帶濃厚電影感


陳卓賢講得出做得到!今年第4首新作〈仍在〉於今天推出。雖然頻頻出歌,但不減創作靈感,Ian繼續作曲、填詞有Oscar幫手,歌曲製作仍然一絲不苟,MV就更找來麥曦茵導演執導,為MV畫面添上一份不一樣的電影感覺。



在創作〈仍在〉這首歌的時候,Ian想用兩個字貫穿旋律的同時,亦帶出歌曲的故事,於是就請作詞的Oscar幫忙構思,結果二人度出「無奈」這個主題,Ian說:「如果用愛情角度去睇,想講嘅就係即使兩個人相愛,但礙於現實兩個人未能一齊走落去,但其實愛情以外都會有現實與理想抗衡嘅情況,例如:興趣係唱歌,都要衡量興趣同點樣維持生活,但最後卻被現實擊敗嘅無奈。」〈仍在〉這歌名其實亦有兩層意思,Ian續道:「其實人與人之間嘅關係,好多時都係一啲微細行為、動作而展開,而我哋呢首歌,就係用『仍在』呢兩個字作為故事嘅主軸,呢兩個字有依然喺度嘅意思,係我對某啲人與事嘅期望,另外『仍』字有凝固嘅意思,以帶出兩個人之間嘅回憶凝結咗喺過去嘅日子,因為我哋再冇之後嘅事,只能回味過去經歷過嘅事。」



今次〈仍在〉MV,Ian特別邀請麥曦茵執導,也別有用心,他說:「我平時鍾意上網睇MV或微電影,有次睇到麥導嘅MV,好喜歡當中嗰種訴說故事嘅運鏡魔法,好想試下如果係一隻Ballad情歌,配上好有電影感嘅拍攝會係點樣。」今次〈仍在〉MV是一個關於時空的故事,Ian在MV中重溫與女主角經歷的一切,而這些畫面統統停留在他的腦海裡,就好像在尋找回憶的同時,發覺往事只能回味。
















〈仍在〉推出過後,Ian將會趕緊在年底前推出第5首作品,而Ian仍透露:「第5首會係好唔同嘅作品,但係咪跳唱就賣個關子,敬請期待。」其實近期Ian亦推出了〈Distance〉國語版,多產皫他坦言其實都好想推出全新國語歌,Ian解釋道:「我寫嘅Demo頗多都係_用國語唱,同埋以前細個都幾鍾意聽國語歌,對自己嚟講係有另一番味道,因為唱國語歌個腔同廣東話唔同,希望將來出隻真正嘅國語歌而唔係出國語版。」



陳卓賢〈仍在〉MV現已於Mirror YouTube Channel推出。

211 次查看

Komentar


bottom of page