top of page

拉《膠戰》好友參與拍攝 瘋狂造型未演先笑 呂爵安開Show前化身精靈拍〈Again!〉MV

《FWD 富衛保險10周年 x HKT 呈獻:EDAN LUI “IN MY SIGHT OF E” SOLO CONCERT 2023》舉行在即,忙於排練的呂爵安(Edan),仍抽空製作了兩首全新歌 曲,並先後在今明兩日推出。打頭陣有的〈Again!〉就找來膠戰好友岑珈其、徐浩昌 (肥腸)及黃正宜(阿正)一同拍攝MV,實行演唱會未開,先送上驚喜與笑彈!



Edan這次新歌〈Again!〉由Edwin作曲,周耀輝填詞,Edward Chan監製,是一首好溫 暖的歌,Edan說:「做人開心唔係咁簡單,但呢個世界好多人都陪住你,好多嘢可以 重新嚟過,一齊去努力令到件事變得更加好,所以想用呢首歌帶啲正能量鼓勵大家, 話俾大家知,好多人陪住你哋㗎!」每個人人生裡面總有不如意的事,但Edan相信只 要有信念,知道身邊有人陪伴在側,就有力量一同邁步跨過去,他很希望借助 〈Again!〉,能感染大家,傳達正面的思想。





歌曲雖然看似沉重又帶點深奧,但MV卻是截然不同的風格,而且更突出了Edan的搞 笑形象!Edan說:「MV想用一種輕鬆少少嘅方式表達,所以同導演講不如玩啲搞笑 啲嘅嘢啦,因為一直以嚟嘅MV,都冇乜邊隻MV可以好搞笑好瘋狂,所以今次度咗呢 個MV故仔我好鍾意!」要拍出瘋狂搞笑Mode,當然要搵合適的演員加盟,而且未演 就要先令大家發笑,那麼,除了6膠,應該都沒有別的人選了!Edan也說:「一諗就好 啱膠戰嘅朋友,特別啱肥腸、珈其同阿正,Hilary同Jeffrey就唔係好啱嘅角色,所以我 同佢哋講,唔好意思,你哋太靚,下次先!」 Edan坦言,能有《膠戰》的隊友一同演出,特別開心,他說:「因為拍《膠戰》以外, 都冇乜機會同佢哋合作,可以搵佢哋一齊玩,所以好正!同埋咁啱今次準備緊演唱 會,我可以掉晒俾佢哋做下,我對佢哋嘅演出都好有信心,咁我就輕鬆啲,令到今次 係我拍攝時間最短嘅一次嘅MV。」既然要拍攝一個瘋狂嘅MV故事,造型上當然不能 隨便,結果珈其、阿正同肥腸的造型都為大家帶來驚喜,Edan表示這要歸功於一眾幕 後人員,Edan道:「我哋花咗好多心思喺佢哋嘅造型,特別係一諗起阿正做奸角,就 覺得要俾粒墨佢,結果成個造型都好襯佢,係Perfect Match,其實佢間唔中出show都 可以試下咁做,好啱佢Punk Rock嘅形象。肥腸直情突顯佢嘅優點出嚟,好吸睛,一定 會望住佢。珈其整埋個頭,好啱佢MK年代,將佢哋3個嘅優點放大,所以我相信佢哋 都好滿意!」





好友們都有突出造型,Edan當然也不能例外,這次他扮演精靈,早前他在社交平台 Share時已引起廣泛討論,他自己都感激幕後製作團隊為他精心設計造型,Edan說: 「我個角色係一個精靈,守護個女仔,所以就有精靈Look嘅諗法,呢個妝同呢個造型 拉《膠戰》好友參與拍攝 瘋狂造型未演先笑 呂爵安開Show前化身精靈拍〈Again!〉MV 用咗兩個幾鐘,黐上去嘅假耳仔都整咗6個鐘,成件事好有心思,仲有其他瘋狂玩嘢造 型,雖然拍攝鐘數唔算好長,喺MV出現時間亦唔算好長,但都好多得意嘢發生!」





呂爵安〈Again!〉MV現已於Mirror YouTube Channel推出。 Mirror YouTube Channel - https://www.youtube.com/c/MIRRORweare/





154 次查看
bottom of page