top of page

新晉電子音樂王DJ Sidtrus 沙灘音樂節炒熱全場 衝擊傳統樂壇音樂風格 「香港唔應該咁悶!」



新晉電子音樂王DJ Sidturs,日前現身愉景灣為香港首個大型沙灘音樂節《TheNextWave》演出,讓現場逾千名觀眾帶來最爆炸的表演!現場氣氛高漲,樂迷隨着DJ Sidtrus標誌性的未來感音樂搖動身體,浸醉於夏日音樂派對之中,他說:「今次真係好好玩、好興奮!香港終於有咁大型嘅沙灘音樂節啦!我喺個台玩咗45分鐘,見到大家陪我又扭又跳足45分鐘,真係好HIGH!」


「我知道EDM(電子音樂)喺香港未算係流行嘅曲風,不過已經愈嚟愈多人玩呢種音樂,大家比較熟悉嘅有King@C AllStar,其實香港有好多人玩緊,網上好多平台都有EDM嘅出現。作為音樂人嘅我梗係好開心,今次玩完呢個沙灘音樂節,觀眾嘅反應話我知,香港唔應該咁悶,令我更加想推動香港嘅EDM發展!」



身兼音樂製作人的電子音樂王DJ Sidtrus,除了在不同地方打碟,亦不停創作自己的EDM音樂,早前推出的新歌《take me home》於Web3平台上架10小時即大賣300萬銷售額的NFT。他說:「呢個數字完全係我意料之外,係一個好瘋狂嘅經歷,我喺自己間房開始造歌到而家,真係好似發夢一樣。好多謝大家同我一齊擁有呢啲音樂,亦畀咗好多信心我繼續造歌,EDM又好、Web3又好,其實已經有一班人玩緊,但係作為音樂人,當然想將呢啲元素帶入主流,外國已經好多人做緊,我相信香港都可以有咁嘅空間,畀唔同音樂元素企喺主流裏面。」




DJ Sidtrus日前帶同素人歌手阿Joh於台上演出,他大讚對方唱功了得:「佢唱過葉蒨文、梁漢文演唱會,雖然係素人,但係喺演出方面好成熟,《take me home》嘅成功佢都有份!」Joh感謝DJ Sidtrus的引薦,首次為大型戶外音樂會演出的他說:「真係好正、好好玩!香港好少有呢啲機會喺沙灘表演,係一個歷史性時刻,呢次仲請咗好多台灣、香港藝人唱,我喺台上望住大家,陽光好好、氣氛好好,超正!」他們期待香港有更多戶外音樂節,讓不同的音樂人互相交流,亦可以推廣不同的音樂類型。




除了阿Joh,DJ Sidtrus感恩音樂平台Supernova的支持:「機緣巧合下認識到Supernova嘅創辦人Sherman,係佢畀機會我喺香港唔同地方打碟、創作更多EDM嘅音樂。正給我剛才講,EDM喺香港未係好流行,而Supernova就可以畀大家了解更多關於EDM嘅嘢,希望將來有更多唔同嘅平台,繼續宣揚EDM!」



DJ Sidtrus Official IG:


139 次查看
bottom of page