top of page

方皓玟現身《Yahoo Lunch K XLive》首辦歌迷聚會

Yahoo 娛樂自家製音樂節目《Yahoo lunch K 》自2018年起將Office變做K 房,將Busking文化帶入Studio,到去年,Yahoo再將K房變做Live House,由場地到觀眾人數都加大、增多,變成XL size,推出季度節目《Yahoo Lunch K XLive》。在新一年,《Yahoo Lunch K XLive》邀來方皓玟,在可以容納更多觀眾的全新場地與樂迷見面,這次是小明入行25年來首度與樂迷舉行Fans聚會,她更窩心為樂迷特製演出歌單,唱出新作以外,更演繹早期的作品,令樂迷大飽耳福。



小明入行至今,原來從未辦過歌迷聚會,她說:「我想搞一個Fans Gathering好耐,但從來冇做過,所以今次《Yahoo Lunch K XLive》係第一次搞,係好珍惜,那怕人數係幾多,都係好難得嘅機會同大家見面,大家可以咁近距離,同平時睇演唱會嘅分別係好大 。所以今次係Meet Friends,將自己嘅新歌同之前未唱過嘅歌演繹一次俾佢哋聽,再加上玩遊戲,係一次好好嘅交流。」



今次小明與100名Fans聚會,當中不乏新舊Fans,所以這次演出歌單也別出心裁,小明與樂手們以Acoustic Set,演繹了新歌〈神算〉外,亦有經典金曲〈假使世界原來不像你預期〉,亦有早期轉型前的作品〈小兔〉等,而活動中,有正日生日的Fans為了與小明見面,不惜拋夫棄子請假前來,十分有心,而小明也窩心地送上生日歌,令對方感動得眼濕濕。

















小明道:「感謝跟咗我好多年嘅朋友,所以想唱返早期嘅歌俾佢哋聽,當然今次亦有新歌回饋新朋友,而今次同新一代嘅樂手合作,佢哋嘅觸感好好,雖然只係好簡單Acoustic Set,但俾到好多好好嘅Vibe我。我唔排除今次之後會搵The Hertz,或者更多新Musicians合作,因為佢哋俾到好多Input我。」


密切留意是次《Yahoo Lunch K XLive》將於3月25日晚上7時於Yahoo HK首頁率先播放。


116 次查看

Comentários


bottom of page