top of page

黃宗澤汗流浹背:「最辛苦係我!」 11年後《無間一戰》再與謝天華合作 封隧道劫匪車放煙霧彈

由邵氏兄弟國際影業有限公司出品,樂易玲小姐總監製、麥浩邦執導,香港犯罪動作片《無間一戰》,有黃宗澤Bosco、謝天華及陳山聰領銜主演;張國強、陳煒、胡子彤、蔡思貝、林子善及郭柏妍聯合演出,並由陳惠敏及白只特別出演。



這是Bosco與天華11年後再合作,二人幕後老友鬼鬼,天華更大爆Bosco因戲中打最多,片酬亦最多,而幕前二人就打到飛起,當中一幕龍山劫囚車場口,Bosco便拍到全身盡濕:「要數戲中最辛苦一個一定係我!」 《無間一戰》故事講述身為毒梟集團頭目的弟弟(Bosco飾)與擔任緝毒警察的哥哥(謝天華飾)捲入了一場毒梟鬥爭中,兩人為了各自的目的而展開交鋒,而當中一場重頭戲,就是Bosco與天華在龍山隧道一場,劇中Bosco飾演臥底,與一班僱傭兵槍林彈雨下劫囚車,車內是他想靠近社團話事人的兒子胡子彤,Bosco說:「我要俾人又要打人,最後又要同返反派嗰邊打,最辛苦應該係我!連放煙霧彈都係我。」















而由於隧道空氣唔流通,Bosco又避彈衣、防毒面罩,試完走位拍完一個鏡頭,他已汗流滿面,T恤濕透,Bosco說:「個面罩好熱好焗,有啲辛苦,但真係好意外劇組竟然真係封咗一條隧道去拍,人生真係第一次,以前睇戲就睇得多,所以辛苦都值!」另外同場天華多年沒返來拍戲,今次再同Bosco合作大家同聲同氣外,天華表示一向鍾意港產片的味道,令他好有歸屬感。」





208 次查看

Commentaires


bottom of page